ORKAN OKKAR

Það eru margar ástæður til að segja nei við orkupakkanum sem stendur til að afgreiða nú um næstu mánaðamót á svokölluðum þingstubbi sem hefst þann 28. ágúst næst komandi. Síðastliðinn fimmtudag birtist heilsíðuauglýsing í Morgunblaðinu með 10 góðum ástæðum til að hafna pakkanum.

Ástæðurnar 10 eru komnar á dreifildi sem var byrjað að dreifa um nýliðna helgi. Dreifingunni er haldið uppi af sjálfboðaliðum sem skipuleggja dreifinguna í sérstökum hópi orkuliða á Facebook. Hópurinn kallar sig Orkan okkar: Orkuliðið. Þeir sem hafa tíma og tækifæri til að leggja okkur lið er velkomið að sækja um inngöngu í hópinn og taka þátt í dreifingunni.

Nú þegar er búið að dreifa í kringum 7.000 dreifildum en alls 12.000 eru farin út til sjálfboðaliða sem munu annast dreifingu þeirra. Fram að þessu hefur dreifingin eingöngu verið bundin við höfuðborgarsvæðið en þrjár sendingar fóru á pósthúsið nú í morgun. Miðað við áfangastaðina er útlit fyrir að íbúar á Norðurlandi vestra séu mjög áhugasamir fyrir því að upplýsa nábúa sína um neikvæðar afleiðingar af innleiðingu orkulaggjafar ESB.

Smelltu hér til að skoða dreifildið

Óli Björn Kára­son alþing­ismaður fékk í liðinni viku langt svar frá ut­an­rík­is­ráðherra við fyr­ir­spurn í fjór­tán liðum um orkupakka og tengd mál. Síðasta svarið vek­ur at­hygli, ekki síst vegna þess að svarið sár­vantaði.
Óli Björn spurði: „Hafa EFTA-lönd­in komið að und­ir­bún­ingi fjórða orkupakka ESB sem nú er unnið að? Hvaða sjón­ar­miðum hafa ís­lensk stjórn­völd komið þar á fram­færi? Hvaða meg­in­breyt­ing­ar kunna að verða á reglu­verki orku­markaðar­ins þegar og ef fjórði orkupakk­inn verður inn­leidd­ur?“

Lesa áfram „Er fjórði orkupakki ESB „bara eðlilegt framhald af þeim þriðja“?“

Tómas Jónsson hæstaréttarlögmaður segir mótsögn felast í því að ætla að samþykkja þriðja orkupakka Evrópusambandsins, sem gengur út á að tryggja sameiginlegan raforkumarkað innan Evrópu, en standa síðan í vegi fyrir því að sæstrengur geti nokkurn tímann verið lagður hingað til lands. Tómas kom fyrir fund utanríkismálanefndar Alþingis í gær 19. ágúst 2019.

Lesa áfram „Sameiginlegur raforkumarkaður ESB kallar á sæstreng. Annað er mótsögn.“

Ríkisstjórn Íslands hefur ítrekað neitað því að verið sé að undirbúa lagningu sæstrengs til Íslands þrátt fyrir að Ice-Link sæstrengur hafi verið á forgangslista ESB a.m.k. frá árinu 2017 með fullu samþykki íslenskra stjórnvalda og þrátt fyrir að tvö almannafyrirtæki hér á landi starfi fyrir erlenda fjárfesta, sem þegar hafa eytt a.m.k. einum og hálfum milljarði í undirbúning fyrir sæstreng til Íslands.
Athygli vekur að starfsmenn þessarra almannafyrirtækja tengjast með einum eða öðrum hætti Bjarna Bene­dikts­syni fjár­málaráðherra og for­manns Sjálf­stæðis­flokks­ins svo og Stein­grími J. Sig­fús­syni núv. for­seta Alþing­is og Katrínu Jak­obs­dótt­ur for­sæt­is­ráðherra.

Þetta og fleira kemur fram á fréttavef Mbl. þ. 18. maí 2019