Íslandi allt!

Werner Rasmusson

Werner Rasmusson:
“Margir gjalda varhug við samþykki þriðja orkupakkans og að hætta sé á því að við missum forræði á raforkunni okkar. Í Bændablaðinu hinn 29. maí sl. er fréttagrein þess efnis, að átta Evrópusambandsríkjum sé nú skylt að einkavæða vatnsaflsvirkjanir sínar. Í greininni kemur fram að Frakkland sé eitt þeirra ríkja og það leiti nú allra leiða til þess að komast hjá þeirri einkavæðingu. Ef Frakkar verða kúgaðir til hlýðni, hvað verður þá um okkur?”

Nánar í Mbl. þ. 15. júní 2019

Deila þessu:

Frestur er á þessu bestur

Sigrún Elsa Smáradóttir:

Sigrún Elsa Smáradóttir:
“Það að samþykkja regluverkið án þess að fyrir liggi hvort það muni eiga við eða ekki gerir að auki alla umræðu um málið brenglaða og útúrsnúningavæna. Af hverju tökum við ekki bara umræðuna um sæstrenginn núna? Viljum við hann eða ekki? Þá vitum við allavega betur hvaða áhrif það sem verið er að samþykkja mun hafa.”

Nánar í Mbl. þ. 12. júní 2019

Deila þessu:

Með lögum skal land byggja en ekki brjóta niður

Hildur Sif Thorarensen

Hildur Sif Thorarensen:
”Það þriðja sem truflaði mig við lestur þessara lagabreytinga var hækkun á raforkueftirlitsgjaldi. HS orka bendir réttilega á að sú hækkun, úr 1 eyri í 1,45 aur, nemur 45% og mun sá kostnaður vissulega enda hjá neytendum. Samkvæmt greinargerð með lögunum er þessi hækkun tilkomin vegna þess að nú ætlar Orkustofnun að færa út kvíarnar og mun því þurfa meira fjármagn til að geta stundað sína starfsemi. Þess að auki þarf Orkustofnun nú að standa straum af ACER með hinum löndunum í EFTA og því fer hluti af þess- um gjöldum beinustu leið til Evrópu- sambandsins.”

Nánar í þ. Mbl. 5. júní 2019

Deila þessu:

Hvað kom fyrir?

Anna Kolbrún Árnadóttir

Anna Kolbrún Árnadóttir:
” Þegar allt kemur til alls er alveg ljóst að ríkisstjórnarflokkarnir ganga ekki einvörðungu gegn afstöðu kjósenda landsins og því sem fram kom í stefnuskrám flokkanna fyrir kosningar er varðar orkupakkann. Þeir ganga jafnframt gegn samþykktum og ályktunum sem þeirra eigin flokksmenn hafa sett fram. Þegar búið er að álykta um málefni er eðlilegt að þingflokkarnir fylgi þeirri stefnu. Ef ekki, hvaða þýðingu hefur það þá fyrir flokkana að hafa virka og áhugasama grasrót? “

Nánar í Mbl. 4. júní 2019

Deila þessu:

Í hvaða heimi býr Þórdís Kolbrún R. Gylfadóttir?

Árni Árnason

Árni Árnason vélstjóri:
“Mér finnst felast í því mikill hroki og yfirdrepsskapur að kalla baráttu okkar gegn 3. orkupakk- anum „fellibyl í fingurbjörg“. Ef þetta er hugarfarið sem beitt er þegar efasemdaraddir eru teknar alvarlega og farið vandlega ofan í saumana á þeim, þá er varla von á góðu.

Að lokum. Þessir „fáeinu menn sem tala við sjálfan sig“, eins og ÞKRG orðar það svo yfirlætislega, eru rödd fólksins í landinu, og það hefur aldrei stýrt góðri lukku að smána þá rödd.”

Nánar í Mbl. 5. júní 2019

Deila þessu:

Hvað er eiginlega þetta ACER?

Hildur Sif Thorarensen

Hildur Sif Thorarensen:
“Við sem fylgjumst með umræðunni um orkupakkann höfum séð skammstöfuninni ACER ítrekað bregða fyrir og eflaust hafa margir velt því fyrir sér hvað þetta þýðir. Skammstöfunin stendur fyrir Agency for the Cooperation of Energy Regulators og hefur nafnið verið íslenskað sem Samstarfsstofnun eftirlitsaðila á orkumarkaði. Ég ætla mér héðan í frá að tala um hana sem ACER.

ACER er þó ekki eina skammstöfunin sem getur hafa truflað þá sem fylgjast grannt með þessu mikla hitamáli,en auk hennar má nefna ESA sem stendur fyrir Eftirlitsstofnun EFTA. Til að flækja málin enn frekar, hefur töluvert verið þjarkað um hvor stofnunin það sé sem raunverulega hefur valdheimildir þegar kemur að EFTA-ríkjunum, í okkar tilfelli Íslandi, en réttasta svarið er að valdheimildunum sé deilt bróðurlega á milli stofnananna tveggja.

Nánar á vefsíðu Viljans 5. júní 2019

Deila þessu:

Icesave og orkupakkarnir – sami grauturinn í sömu skálinni

Guðbjörg Snót Jónsdóttir

Guðbjörg S. jónsdóttir:
”Þetta svokallaða Ríkisútvarp þarf svo að miðla þessum hótunum frá ESB til okkar – nema hvað? Það hefur verið ein helsta málpípa ESB ásamt ESB-flokkunum hér á landi. Eigum við að guggna á að neita orkupökkunum vegna þess? Nei, segi ég, fjarri því. Fréttastofa Rúv er svo hlutdræg að það er tæpast marktækt sem þaðan kemur, a.m.k. hvað ESB varðar. Það er vitað mál enda dynur á okkur áróðurinn fyrir að samþykkja orkupakkana og selja auðlindirnar úr höndum okkar til Brussel, og hótanirnar frá hinum og þessum ESB-sinnum og kommissörunum á þeim bænum svo að mörgum ofbýður að útvarp í eigu þjóðarinnar skuli vera tekið undir slíkt og þar með orðið eins og sovéska ríkisútvarpið og aðrar álíka útvarpsstöðvar í kommúnistaríkjum eru. Fyrr má nú rota en dauðrota, segi ég nú bara.”

Nánar í Mbl. 4. júní 2019

Deila þessu:

Eru alþingismenn hættir að þora að taka ákvarðanir?

Níels Árni Lund

Níels Árni Lund:
”Ofangreint og fleira mætti nefna á ögurstund afgreiðslu þriðja orkupakkans. Það þarf ekki langreyndan mann í pólitík til að vita – vera þess fullviss – að margir þeir sem nú þurfa að greiða atkvæði geri það ekki samkvæmt samvisku sinni; en munið – hún á að ráða við atkvæðagreiðslur. Það sem virðist ráða er hræðsla við eitthvert vald – ganga gegn stórþjóðum af ótta við að þá taki þau í lurginn á okkur og skammi. Hvers konar hnjáskjálftatitringur er þetta eiginlega? Lítum til baka og sjáum á hverju okkar fullveldi hefur byggst – því að vera Íslendingur í orði og verki.”

Nánar í Mbl. þ. 3. júní 2019

Deila þessu:

Á móti lífinu ?

Jón Þór Þorvaldsson varaþingmaður

Jón Þór Þorvaldsson:
“Samkvæmt könnunum er sáralítill stuðningur við orkupakkann meðal almennings. En ráðamenn, sem eru búnir að tala við sérfræðinga, trúa því að aðrir séu í bergmálshelli. Við Miðflokksmenn höfum fengið mikinn stuðning við baráttu okkar, ekki síst frá fólki sem tilheyrir tveimur af stjórnarflokkunum þremur. Það fólk þraukaði þegar ákveðið var að samþykkja Icesave, þegar neyðarbraut Reykjavíkurflugvallar var lokað, og nú síðast þegar fóstureyðingar voru undir klappi og blístri á þingpöllum leyfðar fram að 23. viku meðgöngu, við atkvæðagreiðslu þar sem forsætisráðherra sagðist vilja leyfa fóstureyðingar allt fram að fæðingu. Nú horfir þetta fólk á kröfuna um innleiðingu orkupakkans og veit að næst ætla fulltrúar þess að opna fyrir innflutning á ófrosnu kjöti og eggjum, þvert gegn alvarlegum ráðleggingum lækna. Í því máli verður nákvæmlega jafn lítið gert með andstöðu eigin flokksmanna eða alls almennings. Þetta fólk er byrjað að skilja hvað mörgum ráðamönnum finnst um það í raun og veru. Það er bara á móti ríkisstjórninni og lífinu.”

Nánar í Mbl. þ. 1. júní 2019

Deila þessu:

„ESB verður að breyta um kúrs í málum er varða grunnþjónustu og orku“

Drífa Snædal forseti ASÍ

Drífa Snædal, forseti ASÍ:
„Umsögn okkar til þingsins segir í raun allt sem segja þarf, þar erum við að gagnrýna þær forsendur sem allir orkupakkarnir (1-5) hvíla í raun á og er farið vel yfir í greinargerð með þingsályktunartillögunni að almenn sé litið á orku eins og hverja aðra vöru sem samkeppnislögmál gilda um og orkupakki 3 sé hluti af þeirri vegferð að vinnsla og sala raforku skuli vera rekin í markaðskerfi á samkeppnisgrundvelli,“

Nánar á vefsíðu Stundarinnar þ. 28. maí 2019


Deila þessu: