Skorum á þingmenn að hafna þriðja orkupakka ESB!

Ágætu alþingismenn, segið nei við staðfestingu ákvörðunar sameiginlegu EES-nefndarinnar, nr. 97/2017, um breytingu á IV. viðauka (Orka) við EES-samninginn (þriðji orkupakkinn).

Beinum þeim tilmælum til sameiginlegu EES-nefndarinnar að Ísland verði undanþegið innleiðingu þriðja orkupakkans enda er Ísland ekki tengt raforkumarkaði ESB.

Taktu þátt í áskoruninni með því að fylla út formið hér fyrir neðan:

Segjum NEI við þriðja orkupakkanum

Ég skora á alla þingmenn að hafna þriðja orkupakka ESB !

Ágætu alþingismenn, segið nei við staðfestingu ákvörðunar sameiginlegu EES-nefndarinnar, nr. 97/2017, um breytingu á IV. viðauka (Orka) við EES-samninginn (þriðji orkupakkinn).

Beinum þeim tilmælum til sameiginlegu EES-nefndarinnar að Íslandi verði undanþegið innleiðingu þriðja orkupakkans enda er Ísland ekki tengt raforkumarkaði ESB.

**undirskriftin þin**

Deila þessu með vinum:

   

Ath: Fyrir þá sem eiga ekki email addressu eða samnýta slíka með öðrum. Í því tilfelli er mögulegt að taka þátt í áskorun með því að skrá heimilisfangið. Smella hér.

Enginn getur allt en allir geta eitthvað

Við, sem erum sammála því að Íslendingar eigi að stýra sínum orkumálum sjálfir, viljum að Alþingi hafni 3. orkupakka ESB. Við þurfum að standa saman við að knýja á um það. Það er ýmislegt sem við getum gert með þeirri samstöðu.

Hér eru talin sex verkefni til að styðja og styrkja málstaðinn

Það er hægt að styðja við málstað Orkunnar okkar með ýmsu móti:

  1. Það geta allir skorað á alþingmenn að hafna 3. orkupakkanum með því að skrifa undir þessa áskorun.
  2. Við getum skorað á forsætisráðherra að setja orkupakkann í þjóðaratkvæðagreiðslu.
  3. Það er hægt að styðja okkur og málstaðinn með innleggjum á reikninginn okkar. Bankaupplýsingarnar koma fram á myndinni hér að ofan.
  4. Okkur vantar fólk til að dreifa kynningar- og upplýsingaefni; helst um allt land. Sjá viðburð á Facebook
  5. Margir hafa verið duglegir við að líka við efni á samfélagsmiðlunum okkar, setja inn athugasemdir við færslur og deila þeim. Það er ómetanlegt.
  6. Fátt er sagt virka betur en „maður á mann“-upplýsingar og rannsóknir sýna að fólk treystir betur upplýsingum sem koma frá þeim sem það þekkir.

Auðvitað er hægt að styðja málstaðinn með margvíslegri hætti en því sem hér er talið. Þar má nefna: blogg, greinaskrif, viðtöl í fjölmiðlum og framleiðslu á hlaðvarpsþáttum eða myndböndum um málið, þannig að eitthvað sé talið.

Tvær áskoranir

Það eru komnar 15.000 áskoranir á þingmenn um að hafna 3. orkupakkanum og vísa honum aftur til sameiginlegu EES-nefndarinnar með þeim tilmælum að Ísland verði undanþegið innleiðingunni vegna þess að við erum ekki tengd rafmagnsmarkaði ESB.

Þeir sem eiga eftir að skrifa undir hafa rétt rúmar 5 vikur til að bæta úr því en orkupakkamálið verður tekið upp aftur á sérstökum þingstubbi sem áætlað er að hefjist þann 28. ágúst næst komandi. Þingsályktunartillagan, um breytingu á íslenskri orkulöggjöf, kæmi þá undir atkvæðagreiðslu tveimur sólarhringum síðar.

Við þinglok núna í vor var hrint af stað áskorun á Katrínu Jakobsdóttur, forsætisráðherra, um að setja orkupakkann í þjóðaratkvæðagreiðslu. Það er líklegt að þeir séu margir sem styðja slíkar málalyktir en það er ekki víst að allir viti af þessari nýlegu áskorun, sem er sett fram sem síðu á Facebook. Rúmlega 5.000 manns hafa tekið undir áskorun síðunnar.

Það er mikilvægt að minna á þessar áskoranir annað slagið á næstu vikum.

Plaköt til dreifingar

Orkan okkar hefur látið prenta plakat með 5 mikilvægustu ástæðunum til að hafna 3. orkupakka ESB. Plakötin eru af stærðinni A3 og eru ætluð til upphengingar á fjölförnum stöðum eins og matvörubúðum, kaffihúsum, verslunarmiðstöðvum, fjölbýlishúsum og víðar þar sem leyfi fæst fyrir upphengingunni.

Plakatið bíður þess eins að vera dreif sem víðast

Skoðasystkin okkar eru hvött til að taka þátt í dreifingunni. Þeir sem vilja leggja okkur lið í þessu verkefni eru hvattir til að hafa samband í síma: 849 77 16 eða senda okkur skilaboð í gegnum læksíðuna Orkan okkar á Facebook. Það er líka hægt að senda póst á orkanokkar@gmail.com

Ástæðurnar sem eru á plakatinu voru fundnar út með því að leggja fyrir könnun með 11 atriðum. Þátttakendur eru andstæðingar orkupakkans. Það má nálgast þessa könnun með því að smella hér. Ef einhver vill prenta plakatið út sjálfur þá er það aðgengilegt með því að smella á annaðhvort krækjuna eða niðurhalshnappinn hér fyrir neðan.

Við erum að safna í sjóð

Orkupakkmálið er í bið fram til 28. ágúst n.k. en þá verður það tekið upp aftur á Alþingi. Stefnt er að því að þinglegri meðferð þess ljúki á tveimur sólarhringum.

Samtökin, Orkan okkar, hafa nýtt samfélagsmiðlana til að kynna það sem mælir gegn innleiðingu 3. orkupakka ESB með góðum árangri. Við þurfum hins vegar að ná til fleiri en þeirra sem fylgjast með okkur þar.

Auglýsingar og útgáfa eru árangursríkar leiðir til þess að koma efni á framfæri en hvoru tveggja kostar. Þess vegna leitum við til þeirra sem eru á móti orkulöggjöf ESB, eins og við, og óskum eftir stuðningi.

Bankaupplýsingarnar okkar. Höfum það hugfast að „Margt smátt gerir eitt stórt“

Vert er að geta þess að í ágústmánuði hyggjum við á enn frekari framkvæmdir sem við munum segja frá jafnóðum. Margt af því er háð fjármagniu sem samtökin hafa úr að spila.

Ef þú getur lagt okkur lið eru fjárframlög ákaflega vel þegin. Með fyrirfram þökk fyrir stuðninginn!

Má bjóða þér að taka þátt?

Þó nokkrir meðal meðlima Facebook-hópsins Orkan okkar: Baráttuhópur hafa verið duglegir að benda á umræðuhallann í orkupakkamálinu svokallaða. Stærri fjölmiðlar hafa sniðgengið málsvara orkupakkaandstæðinga.

Við minntum á þessa staðreynd í þessari frétt. Þar bentum minntum við líka á samfélagsmiðlana sem við höfum verið að nota til að koma málstað samtakanna og annarra andmælenda 3. orkupakka ESB á framfæri.

Nú höfum við hrint af stað einfaldri könnun á Facebook þar sem við spyrjum einfaldlega: Á hvaða samfélagsmiðlum fylgist þú með Orkunni okkar? Markmiðið með könnuninni er tvíþætt:

  1. Koma því betur á framfæri hvar við erum
  2. Fá skýrari hugmynd um það hvernig miðlarnir okkar eru nýttir

Þess vegna langar okkur til að bjóða þér að taka þátt í könnuninni okkar. Athugaðu að þú getur hakað við alla möguleikanna sem eiga við þig.

Má bjóða þér að taka þátt í þessari könnun um notkun á samfélagsmiðlum samtakanna Orkan okkar?

Posted by Orkan Okkar on Fimmtudagur, 11. júlí 2019

Nú þegar hafa rúmlega 160 manns tekið þátt. Miðað við þær niðurstöður sem eru komnar er Facebook vinsælasti vettvangurinn okkar. Rúmlega helmingi fleiri segjast fylgjast með hópnum okkar á Facebook en á síðunni. Eftirfarandi mynd leiðir hlutföllin betur í ljós.

Hlutföllin miðast við fjölda þátttakenda 13.07.19 kl. 23:10

Séu hlutföllunum á myndinni snúið yfir í prósentur þá eru það 85% sem fylgjast með Orkunni okkar á Facebook og 25% á öðrum miðlum.

Þjóðaratkvæðagreiðslu um 3. orkupakkann

Það hefur tæplega farið framhjá neinum sem fylgist með orkupakkaumræðunni að Haraldur Benediktsson, þingmaður Sjálfstæðisflokk, setti fram einhvers konar sáttahugmynd í málinu í aðsendri grein sem birtist í Morgunblaðinu þann 8. þessa mánaðar (grein Haraldar á xd.is).

Flokksbróðir hans, Óli Björn Kárason, hefur tekið undir tillögu Haraldar sem gengur út á það að samþykki meirihluti Alþingis lagningu sæstrengs taki sú samþykkt ekki gildi nema meirihluti þjóðarinnar samþykki þá ákvörðun í þjóðaratkvæðagreiðslu (frétt inni á visir.is).

Frosti Sigurjónsson hefur brugðist við þessari sáttahugmynd á Facebook-síðu sinni þar sem hann segir að ef til vill sé hugmyndin viðleitni en hún leysi engan vanda.

„Ef Alþingi samþykkir þriðja orkupakkann þá er þjóðin þar með skuldbundin til að fylgja öllum reglum hans. Annað væri brot á sjálfum EES samningnum.

Ef Alþingi (eða þjóðin) hafnar lögmætri umsókn um sæstreng getur það leitt til skaðabótaskyldu ríkisins gagnvart hagsmunaaðilum sem byggja rétt á EES samningnum. Á þetta hafa lögspekingar bent. Þjóðaratkvæðagreiðslan þyrfti því að vera um sjálfan þriðja orkupakkann. Vonandi kemur einhver þingmaður fram með slíka tillögu.

Haraldur leggur til að ákvörðun um sæstreng þurfi samþykki þjóðarinnar og Óli Björn styður þessa hugmynd. Kannski er…

Posted by Frosti Sigurjonsson on Fimmtudagur, 11. júlí 2019

Hægt er að skora á forsætisráðherra að setja 3. orkupakkann í þjóðaratkvæðagreiðslu á Facebook. Smelltu á þessa krækju og líkaðu við síðuna Þjóðaratkvæðagreiðsla um orkupakkann. Það hafa 4.500 manns gert það nú þegar.

Tveir náttúrverndarsinnar láta í sér heyra

Hún vekur sannarlega athygli fréttin inni á visir.is að það geti farið svo að skera þurfi á rafmagn á mestu álagstímum. Þessi framtíðarsýn er höfð eftir Guðmundi Inga Ásmundssyni, forstjóra Landsnets.

Tveir þekktir náttúruverndarsinnar hafa brugðist við fréttinni. Annar þeirra er Guðmundur Hörður Guðmundsson, fyrrum formaður Landverndar. Hinn er Andri Snær Magnason, rithöfundur, en hann skrifaði meðal annars Draumalandið.

Guðmundur Hörður gerir athugasemd við fréttir af málinu. Þar á meðal ofangreinda frétt. Þar segir hann:

Ef það er verið að selja orku umfram það sem til er á kerfinu þá er það óábyrgt klúður orkufyrirtækjanna. Íslendingum ber ekki skylda til að virkja þó að enn eitt fyrirtækið vilji fara að geyma hér tölvur fyrir rafmyntir erlendra glæpasamtaka.

Auk þess framleiðum við nú miklu meiri orku per íbúa en nokkur önnur þjóð í heiminum, helmingi meiri en Noregur sem kemur næst á eftir okkur. Ef okkur tekst ekki að verða sæmilega rík í slíkri stöðu þá er greinilega verið að gera eitthvað vitlaust hjá orkufyrirtækjunum.“

Andri Snær Magnason tekur nokkuð í sama streng í opinni færslu um fréttina á Facebook-síðu sinni. Hann fer þó ýtarlegar í málið.

Við erum langmesti orkuframleiðandi í heiminum á mann. Hér segir forstjóri Landsnets: ,,Að sögn Guðmundar Inga yrði orka þá skorin niður á daginn, og ákveða þyrfti hvort það yrði hjá fyrirtækjum eða einstaklingum. Einnig á hvaða svæðum.” Hann talar um ,,breytingar á samfélaginu”.

Á Íslandi fer nánast heil Búrfellsvirkjun í að grafa eftir Bitcoin, notkunin slagar upp í alla orkunotkun almennings. Ef opinberir starfsmenn skerða raforku til almennings eftir að hafa selt of mikla orku í rafmyntarnámur þá eru þeir ekki starfi sínu vaxnir. Þeir eru beinlínis að svíkja fólkið sem þeim er ætlað að þjóna.

Hér er verið búa til falskan orkuskort og láta fólk halda að okkar eigin þarfir kalli á nýja virkjun. Sem er Orwellískt magnað og 100% dæmi um hvernig menn skammta upplýsingar og búa til ranghugmyndir hjá heilli þjóð, hún á að halda að hún hafi valdið orkuskorti með ,,breytingum á samfélaginu“.“

Það eru mörg afar athyglisverð komment við færsluna hans Andra Snæs og alveg þess virði að renna yfir þær.

Orkan okkar á samfélagsmiðlum

Orkan okkar er á samfélags- og netmiðlum þar sem fulltrúar samtakanna hafa haldið málstað andstæðinga 3. orkupakka ESB á lofti.

Myndrænt yfirlit yfir miðlana sem Orkan okkar hefur notað til að koma málstað sínum á framfæri

Fjölmiðlar hafa ekki verið duglegir við að koma málstað þeirra sem eru á móti orkupakkanum á framfæri. Þó eru nokkrar ánægjulegar undantekningar: Fréttatíminn, prentútgáfa Morgunblaðsins, Útvarp Saga og Viljinn. Einhverjir miðlar hafa hins vegar algerlega sniðgengið talsmenn samtakanna og aðra sem vilja hafna orkupakkanum.

Samtökin Orkan okkar hafa brugðist við þessu með því að nýta samfélagsmiðla. Miðalarnir sem við höfum notað eru auk þessarar vefsíðu:

  • Facebook þar sem við erum með bæði læksíðu og hóp
  • YouTube þar sem við höfum sett inn viðtöl við nokkra aðila sem eru á móti orkupakkanum ásamt einstöku upptökum
  • Instagram sem við settum í loftið í maí og erum að vinna að því að byggja upp
  • #OrkanOkkar á Twitter má hafa hérna með þó við höfum ekki notað það mikið

Hópurinn, Orkan okkar: Baráttuhópur, telur hátt í 8.000 meðlimi. Umræðurnar þar eru oft og tíðum býsna líflegar. Meðlimir hópsins ásamt fulltrúum samtakanna setja inn efni sem þeim finnst eiga við umræðuna. Læksíðan er komin með rúmlega 3.000 fylgjendur. Fulltrúar samtakanna eru þeir einu sem geta sett inn innlegg en fylgjendur og gestir geta sett athugasemdir við innlegg og sent skilaboð.

YouTube-rásin er með 46 áskrifendur. Viðtölin eru 18 með á milli 119-3.928 áhorf. Vinsælasta myndbandið er við Frosta Sigurjónsson. Við treystum okkur ekki til að gera upp á milli viðtalanna en mælum með þeim öllum.

Instagram-reikningurinn er yngstur en hann var settur í loftið í byrjun maí. Fylgjendur hans eru 105. Alla þessa miðla höfum við notað til að koma upplýsingum um orkupakkann, sem er nú til umræðu, og næstu orkupakka ásamt rökum sem mæla á móti innleiðingu á orkulöggjöf ESB.

Að lokum langar okkur til að minna á bankareikning samtakanna. Við tökum fagnandi á móti styrkjum til að standa straum af kostnaði vegna auglýsinga, prentunar á upplýsingaefni og öðrum framkvæmdum sem þarf að borga fyrir.

Mynd með upplýsingum um bankareikning samtakanna

Afgreiðslu 3. orkupakkans var vissulega frestað en það er rétt að hafa það hugfast að stefnt er að því að „af­greiða end­an­lega þings­álykt­un um þriðja orkupakk­ann 2. sept­em­ber 2019.“ (heimild mbl.is 18.o6.2019)

Ástæðurnar 5 komnar á plakat

Niðurstöður könnunar, sem Orkan okkar hrinti af stað og segir frá í þessari frétt, hafa vakið töluverða athygli á Facebook (smella hér til að sjá færsluna). Tilgangur könnunarinnar var að draga fram 5 mikilvægustu atriðin sem ráða andstöðu þeirra sem eru á móti 3. Um það bil 500 manns hafa tekið þátt þegar þetta er skrifað.

Strax hálfum sólarhring eftir að könnunin fór af stað voru komnar skýrar línur varðandi það hvernig atriðin 11 á listanum röðuðust. Fimm efstu atriðin voru sett upp á mynd og sett í dreifingu. Í framhaldinu fengum við sendar myndir þar sem framtakssamir einstaklingar höfðu prentað myndina út í A4-stærð og hengt upp á nokkrum stöðum.

Þetta ætti ekki að fara framhjá þeim sem fara þarna um

Nú höfum við sett þessi atriði á plakat og vistað sem pdf-skjal (sjá niðurhalshnapp hér fyrir neðan). Þeir sem hafa áhuga og tök á geta prentað skjalið út í litog dreift því eða hengt það upp á fjölförnum stöðum.

5 góðar ástæður!

Það er komið sumar og þingmenn farnir í frí. Umræðunni um 3. orkupakkann er þó hvergi nærri lokið. Stefnt er að tveggja daga þingi í lok ágúst til afgreiðslu orkupakkamálsins. Þetta þýðir að það eru tveir mánuðir til stefnu til að kynna betur rökin sem mæla á móti innleiðingu pakkans.

Þennan tíma er rétt að nota til að draga fram mikilvægustu rökin sem mæla gegn orkupakkanum. Eitt af því sem Orkan okkar lét sér detta í hug er lítil könnun til að fá hugmynd um það hvaða atriði ráða mestu varðandi andstöðu þeirra sem eru á móti 3. pakkanum (krækja á könnunina).

5 góðar ástæður til að hafna 3 orkupakkanum

Könnunin var sett í loftið síðastliðið laugardagskvöld. Þegar þetta er skrifað, tæpum tveimur sólarhringum síðar, hafa um 450 manns tekið þátt. Eitt af því sem vekur hvað mesta athygli við niðurstöðurnar er hvað hún er afgerandi.

Spurningin sem er sett fram hljóðar nákvæmlega svona: Hver eftirfarandi atriða ráða mestu í sambandi við andstöðu þína við 3. orkupakka ESB? Atriðin á listanum eru 11 en þátttakendur hafa bætt við hann tveimur atriðum í kommentum.

Fimm efstu ástæðurnar eru:

  1. Sjálfræði í orkumálum flytst úr landi
  2. Hækkun á raforkuverði
  3. Innleiðing stangast á við íslenska stjórnarskrá
  4. Næstu orkupakkar
  5. Vöruverð hækkar (vegna hækkunar á raforkuverði)

Ef öll atriðin eru sett saman á mynd sjást línurnar, sem könnunin er að draga fram, enn þá skýrar. Þessi röðun var komin fram þegar í gærmorgun [sunnudagsmorguninn 30. júní] og hefur lítil sem engin hreyfing verið síðan. Efstu atriðin á listanum eru þó að skera sig skýrar frá hinum eftir því sem þátttakendum fjölgar.

Niðurstöðurnar kl. 15:30 mánudaginn 1. júlí

Atriðin sem þátttakendur hafa bætt við í kommentum eru:

  • Arðurinn af íslenskri orkusölu mun renna í vasa innlendra og erlendra auðmanna í stað þjóðarinnar.
  • Innleiðing 3. orkupakkans mun virka sem hvati til einkavæðingar Landsvirkjunar.

Ef þú ert á móti innleiðingu orkupakkans en hefur ekki tekið þátt er það að sjálfsögðu velkomið: krækja á könnunina

Svar ferðamála-, iðnaðar- og nýsköpunarráðherra við fyrirspurn frá Ólafi Ísleifssyni um virkjanir með uppsett afl allt að 10 MW.

Ólafur Ísleifsson alþingsimaður

Á árunum 2009–2018 voru gefin út 17 virkjanaleyfi fyrir vatnsaflsvirkjanir með uppsett afl allt að 10 MW. Nánari upplýsingar, m.a. hverjum voru veitt umrædd virkjanaleyfi, er að finna í fylgiskjali II.     
    Á sama tímabili voru gefin út fjögur virkjanaleyfi fyrir jarðvarmavirkjanir með uppsett afl 10 MW eða meira og eitt með uppsett afl allt að 10 MW. Á tímabilinu hafa þrjú virkjanaleyfi verið gefin út fyrir vindorku og eru þau öll með uppsett afl undir 10 MW. 
Virkjanir með uppsett afl allt að 10 MW, sem reistar hafa verið á grundvelli framangreindra virkjanaleyfa, eru sem hér segir: 
Vatnsaflsvirkjanir:     Í fylgiskjali II er listi yfir þær vatnsaflsvirkjanir sem urðu að veruleika af þessum 17 virkjunarleyfum, ásamt staðsetningu og uppsettu afli. 
Vindorka:
    30 kW vindrafstöð í Belgsholti í Leirársveit.     1800 kW vindrafstöð á Hafinu fyrir ofan Búrfell. 
    1300 kW vindrafstöð í Þykkvabæ. 
Jarðvarmavirkjanir:
    2000 kW jarðvarmavirkjun (Flúðavirkjun) við Kópsvatni í Hrunamannahreppi. 

Nánar á vef Alþingis þ. 13. júní 2019