Orkuauðlind Íslands færð undir endanlegt boðvald ESB með þriðja orkupakkanum

Reykjavíkurbréf Mbl um innleiðingu þriðja orkupakka ESB:
“Það eru aðeins ein rök færð fram fyrir því að Alþingi verði að samþykkja orkupakkann þriðja. Aðeins ein rök. Þau eru að það muni setja EES-samninginn í algjört uppnám ef málinu verði hafnað og engu breyti þótt sú höfnun sé í fullu samræmi við samninginn sjálfan. En það er ekki aðeins svo að slík höfnun sé í samræmi við samninginn sjálfan. Það að hún sé fullkomlega heimil er í raun forsenda þess að samningurinn var gerður og að það var stætt á því að gera hann. Þetta er eins augljóst og verða má. Ef Ísland gæti ekki hafnað tilskipunum frá Brussel og yrði að samþykkja þær þvert gegn vilja þjóðarinnar, þá þýddi það að Ísland hefði flutt löggjafarvald sitt úr landinu.

Lesa áfram “Orkuauðlind Íslands færð undir endanlegt boðvald ESB með þriðja orkupakkanum”

Þingmenn ljúga blákalt að þjóðinni

Ómar Geirsson

Ómar Geirsson:
“Þegar þingmenn fullyrða síðan fullum fetum að þeir hafi ekki afsalað neinu forræði, eða að regluverkið snúist um neytendavernd en ekki crossborder tengingar, þá er þeir annað hvort hreinræktaðir blábjánar, hafandi ekki vitsmuni til að skilja sínar eigin gjörðir, eða hreinræktaðir lygarar.”

“Nýting orkunnar á samfélagslegum forsendum, að framboð hennar sé öruggt og viðráðanleg öllum almenningi, er eitt af því góða við okkar samfélag, og varðandi atvinnulífið, samkeppnisforskot sem vinnur upp annað óhagræði sem fylgir smæð þjóðarinnar og fjarlægð frá mörkuðum. Um þetta hefur ríkt sátt að mestu en án allrar umræðu ætlar sá hluti alþingismanna, sem er fyrirmunað að segja satt orð um orkupakkann, að innleiða regluverk sem gerir ráð fyrir einum samevrópskum raforkumarkaði þar sem samkeppnismarkaðurinn ákveður raforkuverðið.” 

Nánar á omargeirsson.blog.is þ. 31. ágúst 2019

Sérfræðiskýrsla Orkunnar okkar afhent þingmönnum

Elinóra Inga Sigurðardóttir formaður Orkunnar okkar afhendir Guðjóni S. Brjánssyni, 1. varaforseta Alþingis sérfræðiskýrsluna

Elinóra Inga Sigurðardóttir formaður samtakanna Orkunnar okkar afhenti í dag öllum alþingisþingmönnum sérfræðiskýrslu samtakanna:
„Áhrif inngöngu Íslands í orkusamband ESB – frá orkusamvinnu til orkusambands.

Komið er að ögurstund í fullveldissögu Íslands hvað varðar stjórn á orkumálum landsins því þ. 2. september n.k. munu alþingismenn greiða atkvæði um innleiðingu 3. orkupakka ESB í íslensk lög.
Samtökin Orkan okkar létu nýlega gera sérfræðiskýrlsla um málið og var hún kynnt á opnum blaðamannafundi í Safnahúsinu við Hverfisgötu föstudaginn 16. ágúst s.l. Heildarniðurstaða skýrsluhöfunda er að upptaka 3. orkupakka ESB  „í íslensk lög sé skaðleg fyrir íslenska þjóð, efnahag hennar og náttúru“. Skýrsluhöfundar leggja „til að fram fari þjóðaratkvæðagreiðsla um málið.“
Höfundarnir minna á mikilvægi þess að málið verði rækilega kynnt almenningi og í því skyni hefur skýrslan verið gerð aðgengileg öllum. Skýrslan var formlega afhent öllum alþingismönnum í dag en henni hafði áður verið dreift til þeirra á rafrænu formi.

Lesa áfram “Sérfræðiskýrsla Orkunnar okkar afhent þingmönnum”

Þriðji orkupakki ESB snýst ekki um sæstreng

Elinóra Inga Sigurðardóttir
formaður Orkunnar okkar

Elinóra Inga Sigurðardóttir:
Þriðji orkupakki ESB snýst ekki um sæstreng.
Hann snýst um það hvort Íslendingar eru reiðubúnir til að framselja löggjafarvald, framkvæmdavald og dómsvald í orkumálum Íslands til ESB eða hvort íslendingar vilja og geta ráðið sínum orkumálum sjálfir.
“Það hefur verið fróðlegt að upplifa það að mörgum er alveg sama um hvort við missum valdið yfir orkumálum til erlendra aðila.”
“Það hefur verið fróðlegt að upplifa það að stjórnmálamenn eru tilbúnir að samþykkja þriðja orkupakkann þrátt fyrir að meirihluti kjósenda þeirra er á móti þeim gjörningi. Samkvæmt skoðanakönnun Bylgjunnar nýlega þá vilja 65% segja nei. Það hefur verið fróðlegt að upplifa það að flokkarnir Vinstri grænir, Píratar og Samfylking vilja markaðsvæða raforkuna, sem þýðir að milliliðum fjölgar frá framleiðanda til neytenda, sem þýðir að verð hækkar. Það hefur verið fróðlegt að upplifa það að í fréttum RÚV segir að raforkuverð muni ekki hækka. Það þarf ekki mjög gáfaðan einstakling til að sjá að ef milliliðum fjölgar þá hefur það áhrif á vöruverð. Það mun hækka.

Nánar í Mbl. þ. 29. ágúst 2019

Skorað á forsetann

Forseti Íslands, Guðni Th. Jóhannsson, ásamt fulltrúum Orkunnar okkar. Talið frá vinstri: Elinóra Inga Sigurðardóttir, Ögmundur Jónasson, Frosti Sigurjónsson og Styrmir Gunnarsson

Fulltrúar Orkunnar okkar funduðu með forseta Íslands í morgun um þriðja orkupakkann. Á fundinum var forsetanum afhent áskorun þar sem skorað er á forsetann að staðfesta ekki upptöku þriðja orkupakkans inn í EES-samninginn nema sameiginlega EES-nefndin hafi veitt Íslandi undanþágu frá innleiðingu eða þjóðin hafi í þjóðaratkvæðagreiðslu fallist á að undirgangast skuldbindingar orkupakkans.       

Forsetinn tók við bréfi samtakanna með áskorunninni og umsögnum frá liðnu vori um málið ásamt nýlegri gögnum. Um er að ræða skýrslu samtakanna um  áhrif inngöngu Íslands í orkusamband ESB og minnisblöð Anars Þórs Jónssonar, héraðsdómara, og Tómasara Jónssonar, hrl.  

Lesa áfram “Skorað á forsetann”