Á móti lífinu ?

Jón Þór Þorvaldsson varaþingmaður

Jón Þór Þorvaldsson:
“Samkvæmt könnunum er sáralítill stuðningur við orkupakkann meðal almennings. En ráðamenn, sem eru búnir að tala við sérfræðinga, trúa því að aðrir séu í bergmálshelli. Við Miðflokksmenn höfum fengið mikinn stuðning við baráttu okkar, ekki síst frá fólki sem tilheyrir tveimur af stjórnarflokkunum þremur. Það fólk þraukaði þegar ákveðið var að samþykkja Icesave, þegar neyðarbraut Reykjavíkurflugvallar var lokað, og nú síðast þegar fóstureyðingar voru undir klappi og blístri á þingpöllum leyfðar fram að 23. viku meðgöngu, við atkvæðagreiðslu þar sem forsætisráðherra sagðist vilja leyfa fóstureyðingar allt fram að fæðingu. Nú horfir þetta fólk á kröfuna um innleiðingu orkupakkans og veit að næst ætla fulltrúar þess að opna fyrir innflutning á ófrosnu kjöti og eggjum, þvert gegn alvarlegum ráðleggingum lækna. Í því máli verður nákvæmlega jafn lítið gert með andstöðu eigin flokksmanna eða alls almennings. Þetta fólk er byrjað að skilja hvað mörgum ráðamönnum finnst um það í raun og veru. Það er bara á móti ríkisstjórninni og lífinu.”

Nánar í Mbl. þ. 1. júní 2019

Síðasti útifundurinn í bili

Þriðji útifundurinn um orkupakkamál var haldinn á Austurvelli í dag í blíðskaparveðri. Framsögumennirnir voru fjórir en fundinum stýrði Haraldur Ólafsson.

Framsögumennirnir: Guðlaug Kristbjörg Kristinssdóttir, Þorvarldur Þorvaldsson, Sverrir Ómar Victorsson og Rakel Sigurgeirsdóttir

Fundurinn fór vel fram en ekki var fjölmennt á fundinum. Að fundi loknum var ákveðið að hvíla frekara útifundahald og huga frekar að borgarafundi með fræðsluerindum um orkupakkamálið.

Endanlegrar ákvörðunar um slíkan fund er að vænta á allra næstum dögum. Fundurinn yrði væntanlega auglýstur með myndarlegri hætti en útifundirnir. Þeir sem viðja styðja samtökin til borgarafundarhalds er bent á reikningsupplýsingar samtakanna.

Bankareikningur: 133-26-200065
kennitala samtakanna: 531118-1460

Þér er boðið á útifund á Austurvelli

Þriðji útifundurinn um orkupakkamálið verður haldinn á Austurvelli núna á laugardaginn (1. júní). Fundurinn hefst klukkan 14:00 og lýkur klukkutíma síðar.

Það eru Orkan okkar og óformlegur félagsskapur Gulvestunga sem boða til fundarins. Tilefnið er áskorun til þingmanna um að hafna orkupakkanum eða að minnsta kosti fresta afgreiðslu hans til haustsins. Mörg gögn hafa verið dregin fram í dagsljósið að undanförnu og mörgum spurningum er enn ósvarað.

Viðburður hefur verið stofnaður á Facebook vegna útifundarins og eru allir hvattir til að bjóða á hann, deila honum og auðvitað mæta. Framsögumennirnir verða fjórir á fundinum en Haraldur Ólafsson sér um fundarstjórnina. Sjá nánar á viðburðinum inni á Facebook.

„ESB verður að breyta um kúrs í málum er varða grunnþjónustu og orku“

Drífa Snædal forseti ASÍ

Drífa Snædal, forseti ASÍ:
„Umsögn okkar til þingsins segir í raun allt sem segja þarf, þar erum við að gagnrýna þær forsendur sem allir orkupakkarnir (1-5) hvíla í raun á og er farið vel yfir í greinargerð með þingsályktunartillögunni að almenn sé litið á orku eins og hverja aðra vöru sem samkeppnislögmál gilda um og orkupakki 3 sé hluti af þeirri vegferð að vinnsla og sala raforku skuli vera rekin í markaðskerfi á samkeppnisgrundvelli,“

Nánar á vefsíðu Stundarinnar þ. 28. maí 2019


Fyr­ir­var­arn­ir hindra ekki mál­sókn

Arnar Þór Jónsson héraðsdómari

Arnar Þór Jónsson héraðsdómari:
“Fyr­ir­var­ar sem stjórn­völd hyggj­ast gera ein­hliða vegna fyr­ir­hugaðrar inn­leiðing­ar þriðja orkupakka Evr­ópu­sam­bands­ins hér á landi í gegn­um EES-samn­ing­inn munu enga þýðingu hafa komi til þess að fjár­fest­ar vilji leggja sæ­streng á milli Íslands og Evr­ópu.”
Þetta seg­ir Arn­ar Þór Jóns­son, dóm­ari við Héraðsdóm Reykja­vík­ur, á Face­book-síðu sinni. Þar seg­ir hann að reyni ís­lenska ríkið að standa í vegi fyr­ir því að sæ­streng­ur verði lagður munu verða höfðað samn­ings­brota­mál gegn rík­inu sem það muni tapa þar sem orka sé skil­greind sem vara sam­kvæmt EES-samn­ingn­um, en svo­nefnt fjór­frelsi samn­ings­ins ger­ir meðal ann­ars ráð fyr­ir frjálsu flæði á vör­um inn­an Evr­ópska efna­hags­svæðis­ins.

Nánar á vefsíðu Mbl. 28. maí 2019