AFÞÖKKUM ERLENT VALD Í ORKUMÁLUM
Fréttablaðið sagði þann 10. nóvember 2018 frá fundi ríkisstjórnarflokkanna um þriðja orkupakkann sem fór fram í ráðherrabústaðnum daginn áður. Blaðið hefur eftir forsætisráðherra að fundurinn hafi verið fyrst og fremst til að hefja þessa umræðu og að umræðan hafi verið góð. Það að ríkisstjórn hafi boðað stjórnarþingmenn til sérstaks fundar gefur til kynna að málið sé stjórnarflokkunum erfitt. Fréttin á Frettabladid.is
Eftir Guðna Ágústsson
Greinin birtist í Morgunblaðinu laugardag, 10. nóvember 2018
Það er merkilega lítil umræða af hálfu ríkisstjórnarflokkanna um þriðja orkupakka ESB sem á að taka fyrir í febrúar nk. á Alþingi samkvæmt upplýsingum frá forsætisráðherra.
Þetta gefur til kynna að þingsályktun ríkisstjórnarinnar sé til og stefna þegar tekin og afstaða klár. Mikil gerjun fer samt fram í grasrót ríkisstjórnarflokkanna allra, fundir og umræða sprengir heilu fundarsalina sé á annað borð boðað til fundar. Jafnframt virðist sem andófsfélög séu að búa um sig í flokkunum þremur og reyndar í stjórnarandstöðuflokkunum líka.
Mbl.is segir frá því 8. nóvember 2018 að Nei til EU samtökin í Noregi hafi ákveðið að höfða mál gegn þarlendum stjórnvöldum vegna brots á stjórnarskrá. Samkvæmt stjórnarskrá Noregs þarf 3/4 atkvæða á þingi til að framselja vald til erlendrar stofnunar, en þriðji orkupakkinn var samþykktur með rétt rúmlega helmingi atkvæða. Sjá nánar frétt mbl.is
Sigmundur Davíð, formaður Miðflokksins ritaði grein í Morgunblaðið 8. nóvember 2018 undir fyrirsögninni „Suma pakka er betra að afþakka“. Þar skorar hann á ríkisstjórnina að fara nú þegar fram á að Ísland fái undanþágu frá orkupakkanum og skila honum svo til sendanda. og bætir við „Í því efni getur ríkisstjórnin reitt sig á stuðning Miðflokksins.“
Mbl.is 4. nóvember 2018
Miðflokkurinn segir að allt bendi til þess að ríkisstjórnin ætli sér að innleiða hinn svokallaða þriðja orkupakka Evrópusambandsins, þrátt fyrir ótal viðvaranir, heiman frá og að utan.