Birt þann

ASÍ leggst gegn orkupakkanum: „Feigðarflan að staðfesta markaðsvæðinguna“

Drífa Snædal

Drífa Snædal forseti ASÍ um 3. orkupakka ESB:
„Raforka er grunnþjónusta og á ekki að mati Alþýðusambands Íslands að vera háð markaðsforsendum hverju sinni. Raforka á að vera á forræði almennings og ekki á að fara með hana eins og hverja aðra vöru á markaði,“ segir í umsögninni sem birtist á vef Alþingis í dag og er undirrituð af Drífu Snædal, forseta ASÍ.

„Það er því mat ASÍ að of langt hafi verið gengið nú þegar í markaðsvæðingu grunnstoða og feigðarflan að staðfesta markaðsvæðinguna og ganga lengra í þá átt. Rafmagn er undirstaða tilveru okkar í dag og það er samfélagsleg ábyrð að tryggja framleiðslu og flutning til allra, sú ábyrgð er of mikil til að markaðurinn fái að véla með hana enda hefur markaðsvæðing grunnstoða yfirleitt ekki bætt þjónustu, lækkað verð né bætt stöðu starfsfólks.“

Nánar á vefsíðu Stundarinnar þ. 29. apríl 2019

Birt þann

Hrægammar markaðsaflana sveima yfir orkuauðlindum þjóðarinnar

Vilhjálbur Birgisson formaður Verkalýðsfélags Akraness

Vilhjálmur Birgisson á 1. maí 2019:
„Raf­orka á að vera á for­ræði og í eigu þjóðarinnar og ekki á að fara með hana eins og hverja aðra vöru á markaði.  Raf­magn er und­ir­staða til­veru okk­ar í dag og það er sam­fé­lags­leg ábyrgð að tryggja fram­leiðslu og flutn­ing til allra, sú ábyrgð er of mik­il til að markaðsöflin fái að véla með hana, enda hef­ur markaðsvæðing grunnstoða yf­ir­leitt ekki bætt þjón­ustu, lækkað verð né bætt stöðu starfs­fólks.
Öll munum við markaðsvæðingu fjármálakerfisins fyrir hrun þar sem fjárglæframenn einkavæddu  gróðann og skattgreiðendur sáttu uppi með tapið, þessa sögu þekkjum við öll allt of vel!
Það er for­senda fyr­ir áfram­hald­andi upp­bygg­ingu lífs­gæða að eign­ar­hald á auðlind­um sé í sam­fé­lags­legri eigu og að við njót­um öll arðs af nýt­ingu auðlind­anna og get­um ráðstafað okk­ar orku sjálf til upp­bygg­ing­ar at­vinnu hér á landi.

Nánar á vef Verkalýðsfélags Akraness

Birt þann

Þingmenn Sjálfstæðisflokks tala eins og vélmenni

Styrmir Gunnarsson

Styrmir Gunnarsson f.v. ritstjóri:
„Styrmir Gunnarsson, fv. ritstjóri Morgunblaðsins, undrast að þrátt fyrir víðtæka og þverpólitíska andstöðu við innleiðingu þriðja orkupakkans, haldi margir þingmenn stjórnarflokkanna enn sínu striki og gefi ekkert eftir.
„Þrátt fyrir þá breidd, sem komin er í andstöðuna halda einstakir þingmenn stjórnarflokkanna, og þá fyrst og fremst þingmenn Sjálfstæðisflokksins, áfram að tala eins og vélmenni, hafa uppi sömu setningarnar um að þeir einir séu handhafar staðreynda málsins en allir aðrir hafi uppi lygar, auk þess að uppnefna flokkssystkini sín,“ segir Styrmir á vefsíðu sinni.
Sá málflutningur bendir ekki til að þeir hinir sömu telji sig þurfa að hlusta á fólkið í landinu, að ekki sé talað um að þeir átti sig á að það kemur dagur eftir þennan dag,“ bætir hann við.

Nánar á Styrmir.is

Birt þann

„Nei­kvæðar af­leiðing­ar“ mark­mið ESB

Skúli Magnússon héraðsdómari og dósent

Skúli Magnússon lögmaður:
Það er ljóst að „póli­tísk slagsíða“ er á EES-samn­ingn­um sem felst meðal ann­ars í því að að Íslandi og öðrum EFTA/​EES-ríkj­um er gert að taka ein­hliða upp lög­gjöf frá Evr­ópu­sam­band­inu í gegn­um samn­ing­inn sem þau hafi mjög tak­markaða mögu­leika á að fjalla um. Mark­mið EES-samn­ings­ins er eins­leitni. Fyr­ir vikið á Eft­ir­lits­stofn­un EFTA (ESA) að fylgja úr­sk­urðum fram­kvæmda­stjórn­ar sam­bands­ins og EFTA-dóm­stóll­inn að horfa til dóma­fram­kvæmd­ar Evr­ópu­dóm­stóls­ins sem hann og gerir.

Nánar á vefsíðu Mbl. þ. 29. apríl 2019