Category: Fréttir

Frétt í mbl.is 10. apríl 2019

Morgunblaðið ræddi við Friðrik Árni Friðriks­son Hirst sem stóð að álitsgerð um stjórnskipulega fyrirvara v. þriðja orkupakkans fyrir utanríkisráðuneytið. Hvað laga­lega óvissu varðar vegna leiðar rík­is­stjórn­ar­inn­ar seg­ir Friðrik aðspurður til að mynda ekki úti­lokað að Eft­ir­lits­stofn­un EFTA (ESA) teldi ástæðu til þess að höfða samn­inga­brota­mál fyr­ir EFTA-dóm­stóln­um á þeim for­send­um að Íslandi beri að inn­leiða þriðja orkupakk­ann að fullu í lands­lög.

Það yrði þá gert á þeim grund­velli að Alþingi hefði aflétt stjórn­skipu­leg­um fyr­ir­vara vegna þriðja orkupakk­ans eins og hann hefði verið tek­inn upp í EES-samn­ing­inn sam­kvæmt ákvörðun sam­eig­in­legu EES-nefnd­ar­inn­ar. Mögu­legt væri að málið þróaðist með þeim hætti.

Eins væri mögu­legt að ein­stak­ling­ar eða lögaðilar höfðuðu skaðabóta­mál gegn ís­lenska rík­inu ef þeir teldu að ís­lensk lands­lög tryggðu þeim ekki þann rétt sem þeir ættu að njóta sam­kvæmt EES-samn­ingn­um.

Lesa fréttina á vef mbl.is

Viðar Guðjohnsen jr segir m.a. Í Mbl þ. 9. apríl 2019 um 3. orkupakka ESB:

“Samlegðaráhrifin af valda- framsalinu og aukinni markaðsvæðingu í orkugeiranum geta reynst okkur Íslendingum dýrkeypt. Erum við að festa í lög eitthvert evrópskt reglugerðafargan sem getur gert grundvallarbreytingar á hagsmunum þjóðarinnar og vilja löggjafans með erlendum úrskurði?”

Sjá nánar í Morgunblaðinu þ. 9. apríl 2019

Mánudagur 8. febrúar 2019: Orkan okkar skorar á Alþingismenn að hafna þriðja orkupakkanum.

„Ágætu alþingismenn, segið nei við staðfestingu ákvörðunar sameiginlegu EES-nefndarinnar, nr. 97/2017, um breytingu á IV. viðauka (Orka) við EES-samninginn (þriðji orkupakkinn). Beinið þeim tilmælum til sameiginlegu EES-nefndarinnar að Ísland verði undanþegið innleiðingu þriðja orkupakkans enda er Ísland ekki tengt raforkumarkaði ESB.“

Hér má lesa fréttatilkynninguna ásamt greinargerð.

Frétt frá Landssambandi bakarameistara:

Um mitt ár 2003 tóku gildi hér á landi raforkulög þar sem innleidd var samevrópsk löggjöf á sviði raforkumála. Við þá innleiðingu breyttust taxtar og innheimtuferli orkufyrirtækja á landinu. Landssamband bakarameistara vakti athygli á því þá að stærstur hluti raforkunotkunar í bakaríum fari fram á þeim tíma sólarhrings þegar almenn orkunotkun er í lágmarki. Af þeim sökum og áður en að breytingunni kom höfðu bakarí notið betri kjara raforkuverðs, gegn því að hægt væri að rjúfa rafmagn til þeirra á öðrum tímum sólarhringsins.

Lesa áfram „Landssamband bakarameistara hafnar orkupakkanum“

Fulltrúar Heimssýnar gengu til fundar við Guðna Th. Jóhannesson forseta Íslands þann 29. mars 2019.
Efni fundarins var að ræða þriðja orkupakka ESB. Voru ýmsar hliðar málsins ræddar, bæði er lúta að stjórnskipun og mikilvægi þess að Íslendingar hafi full yfirráð yfir auðlindum landsins. Verði orkupakkamálinu fram haldið má búast við að lagt verði að forsetanum að beita sér með viðeigandi hætti. Einnig var minnst á álitsgerð Stefáns Más Stefánssonar og Friðriks Árna Friðrikssonar Hirst sem álykta að orkupakkinn feli í sér meira meira framsal ríkisvalds en stjórnarskráin leyfir. Einnig var farið yfir niðurstöður viðhorfskönnunar Maskínu frá því í maí 2018. Hún sýndi að þjóðin er almennt mjög andvíg því að aukið vald yfir orkumálum Íslands verði fært til evrópskra stofnana. Að lokum var einnig rætt um mögulegar lausnir á málinu og hvers vegna Ísland er í fullum rétti til að hafna orkupakkanum.