Vilhjálmur Birgisson 1. varaforseti ASÍ skrifaði þann 12. nóvember 2018 færslu á Facebook að hann væri algerlega á mót orkupakka 3 „enda eigum við ætíð að tryggja full yfirráð yfir okkar auðlindum!“
Sigmundur Davíð og Brynjar Níelsson hafa efasemdir um þriðja orkupakkann
Sigmundur Davíð Gunnlaugsson formaður Miðflokksins og Brynjar Níelsson þingmaður Sjálfstæðisflokksins voru gestir þáttarins Þingvellir á K100 11. nóvember 2018. Báðir viðruðu efasemdir. Sigmundur Davíð benti á að það framsal fullveldis sem fælist í pakkanum stangaðist á við stjórnarskrá. Þáttastjórnandin kvartaði yfir því að þingmenn sjálfstæðisflokks hefðu verið tregir til að mæta í þáttinn til að ræða þetta mál við Sigmund Davíð. Brynjar Níelsson talaði um að þarna væri mikið framsal og það færi illa í menn og sagði „Ef við erum ekki sáttir við þetta getum við á ekki bara hafnað þessu? En við fáum ekki nógu góð svör við þessu.“
Að ýta vanda orkupakkans á undan sér eykur vandann
Eftir Elías Elíasson
Greinin birtist í Morgunblaðinu 10. nóvember 2018
Það heyrist ítrekað frá ráðamönnum þjóðarinnar að best sé að samþykkja þriðja orkupakkann eins og hann er, en fást við sæstrenginn þegar það kemur upp. Það mundi setja EES-samninginn í uppnám að fella pakkann núna, segja menn. Sú hugmynd heyrðist frá formanni Sjálfstæðisflokksins að setja lög sem krefjast samþykkis Alþingis fyrir sæstreng og láta síðan reyna á þau þegar þar að kemur. Þessar hugmyndir byggjast á vanþekkingu og mér er spurn, hver ber ábyrgð á því að ráðamenn fái allar þær upplýsingar sem þarf til að móta afstöðu í þessu stóra máli.
Lesa áfram „Að ýta vanda orkupakkans á undan sér eykur vandann“Ice Link strengur á forgangslista ESB
Ljóst er, að íslensk yfirvöld hafa lagt blessun sína á langningu sæstrengs til Íslands skv. frétt í Mbl. þ. 10. nóvember s.l.
Að framgangi verkefnisins vinna Landsnet, Landsvirkjun og National Grid Interconnector Holdings Ltd. Reiknað er með að að sæstrengurinn verði tekinn í notkun árið 2027, að því er fram kemur í umfjöllun um mál þetta í Morgunblaðinu.
Sjá nánar frétt í Mbl.
Nokkur órói er innan stjórnarflokkanna vegna þriðja orkupakkans
Fréttablaðið sagði þann 10. nóvember 2018 frá fundi ríkisstjórnarflokkanna um þriðja orkupakkann sem fór fram í ráðherrabústaðnum daginn áður. Blaðið hefur eftir forsætisráðherra að fundurinn hafi verið fyrst og fremst til að hefja þessa umræðu og að umræðan hafi verið góð. Það að ríkisstjórn hafi boðað stjórnarþingmenn til sérstaks fundar gefur til kynna að málið sé stjórnarflokkunum erfitt. Fréttin á Frettabladid.is