Author: umsjon

Kastljós RÚV fjallaði um orkupakkann 13. nóvember 2018. Viðmælendur voru Guðni Jóhannesson orkumálastjóri sem sagði m.a. að orkupakkinn myndi ekki hafa áhrif á orkusölu hérlendis. Frosti Sigurjónsson f.v. þingmaður var spurður og svaraði í stuttu innleggi hvers vegna hann væri mótfallinn innleiðingu orkupakkans. Gunnar Bragi Sveinsson þingflokksformaður Miðflokksins sagði að ekki væri hægt að halda endalaust áfram með valdframsal. Höfnun hans myndi ekki marka endalok EES samningis. Albertína Friðbjörg Elíasdóttir þingmaður Samfylkingar vísaði til stöðu Norðmanna og hægt væri að standa með þeim. Sjá frétt rúv.is

Atvinnuvega- og nýsköpunarráðuneytið sendi frá sér eftirfarandi tilkynningu 13. nóvember 2018. „Ráðuneytið vill af gefnu tilefni koma því á framfæri, að það er ekki rétt sem sagt er í fréttum í Morgunblaðinu og á vefnum Mbl.is í dag, að fyrirtækið Atlantic SuperConnection hafi verið að skoða möguleika á lagningu sæstrengsins Ice-Link á milli Bretlands og Íslands, sem sé á verkefnalista Evrópusambandsins.

Lesa áfram „Ráðuneytið leiðréttir fréttir af sæstreng“

Þetta sagði Þór­dís Kol­brún Reyk­fjörð Gylfa­dótt­ir, ráðherra ferðamála-, iðnaðar- og ný­sköp­un­ar á Alþingi 12. nóvember 2018 þar sem rætt var um þriðju orkutilskipun ESB. Í frétt mbl.is segir ennfremur „Rifjaði hún upp að sam­kvæmt EES-samn­ingn­um væri heim­ilt að neita upp­töku ein­stakra laga­gerða frá Evr­ópu­sam­bands­ins en hins veg­ar hefði slíku neit­un­ar­valdi aldrei verið beitt í raun. Fyr­ir vikið lægi ekki ná­kvæm­lega fyr­ir hvaða af­leiðing­ar það hefði. Þór­dís sagði hins veg­ar að sjálfsagt væri að ræða það hvernig EES-samn­ing­ur­inn væri að þró­ast og hvort rétt væri að stíga niður fæti á ein­hverj­um tíma­punkti, staldra við og spyrja hvort þró­un­in væri á þann hátt að Íslend­ing­ar væru sátt­ir við hana.“ Hér má lesa frétt mbl.is. og  hér má horfa á umræðuna á Alþingi.

Í forsíðufrétt Morgunblaðsins 12. nóvember 2018 er sagt frá því að framsóknarmenn í Suðvesturkjördæmi hafi á kjördæmaþingi samþykkt að hafna þriðja orkupakkanum. Áréttað er í ályktuninni að ekki verði tekið upp í EES samninginn ónauðsynlegt og hamlandi regluverk sem sniðið er að aðstæðum á meginlandi Evrópu. Í sömu frétt er rætt við Lilju Alfreðsdóttur, varaformann Framsóknarflokksins sem segir „Þetta verður rætt á haustfundi miðstjórnar um næstu helgi. Flokksþing hefur ályktað gegn orkupakkanum og þetta er eitthvað sem okkar bakland vill fara gaumgæfilega yfir, enda rík ástæða til,“ Lilja segir jafnframt að það sé skýrt í hennar huga að Framsóknarflokkurinn taki ekki þátt í að samþykkja framsal fullveldis til stofnana sem Ísland eigi ekki aðild að. „Það þarf að tryggja að þær alþjóðlegu skuldbindingar sem við tökum á okkur stangist ekki á við stjórnarskrána. Það skiptir flokksmenn okkar miklu máli og við tökum fullt tillit til þess.“