Ráðuneytið leiðréttir fréttir af sæstreng

Þórdís Kolbrún atvinnuvega- og nýsköpunarráðherra

Atvinnuvega- og nýsköpunarráðuneytið sendi frá sér eftirfarandi tilkynningu 13. nóvember 2018. “Ráðuneytið vill af gefnu tilefni koma því á framfæri, að það er ekki rétt sem sagt er í fréttum í Morgunblaðinu og á vefnum Mbl.is í dag, að fyrirtækið Atlantic SuperConnection hafi verið að skoða möguleika á lagningu sæstrengsins Ice-Link á milli Bretlands og Íslands, sem sé á verkefnalista Evrópusambandsins.

Hið rétta er að athugun á Ice-Link verkefninu er á vegum Landsnets og Landsvirkjunar. Fyrirtækið Atlantic SuperConnection á enga aðild að því verkefni.

Einnig er rétt að árétta að verkefnalisti ESB er opinber og langt er síðan það kom fram opinberlega að Ice-Link verkefnið væri á honum. Þáverandi ríkisstjórn gaf í ársbyrjun 2015 leyfi fyrir að sótt yrði um að strengurinn færi á listann, og var leyfið veitt með fyrirvara um að í því fælist engin efnisleg afstaða stjórnvalda til verkefnisins.”

Tilkynning ráðuneytisins.

Deila þessu: