ORKAN OKKAR

Reuters fréttaveitan segir frá því í október 2016 að forstjóri Landsvirkjunar telji að Brexit muni tefja áform um sæstreng milli Íslands og Bretlands. Reuters hefur einnig eftir forstjóranum að áhugi Breta sé enn til staðar til lengri tíma litið og bætir við að árið 2027 gæti 1 GW kapall afhent 5-6 TWh af raforku á ári, sem myndi duga til að anna eftirspurn 1,6 milljón breskra heimila. Sjá nánar í frétt Reuters.

Þann 12. júlí 2016 skilaði verkefnastjórn lokaskýrslum sínum um sæstreng til Ragnheiðar Elínar Árnadóttur atvinnuvega- og nýsköpunarráðherra. 

Lesa áfram „Verkefnisstjórn um sæstreng skilar skýrslu til ráðherra“

Fréttavefur ruv.is 18. febrúar 2016 segir frá fundi Ólafs Ragnars Grímssonar, forseta Íslands, með fyrirtækinu Atlantic Superconnecion Corporation á Bessastöðum. Meðal ráðgjafa fyrirtækisins er Charles Hendry fv. orkumálaráðherra Bretlands. Nánar í frétt ruv.is

Sigmundur Davíð Gunnlaugsson, forsætisráðherra, og David Cameron, forsætisráðherra Bretlands, ákváðu á fundi í Alþingishúsinu í gærdag að setja á stofn vinnuhóp sem verður falið að skoða möguleika þess að leggja sæstreng milli Íslands og Bretlands. Fyrir þremur árum skrifuðu íslensk og bresk yfirvöld undir viljayfirlýsingu um samstarf í orkumálum. Heimild: frétt ruv.is 29. október 2015

Þann 27. maí 2015 veitti Orkustofnun Atlantic Superconnection Corporation LLP, skráð í Englandi og Wales, leyfi til rannsókna á hafsbotni vegna raforkusæstrengs. Áætlað er að rannsóknirnar fari fram á tímabilinu 1. júní til 1. september 2015. Þess er getið að Orkustofnun hafi upplýst atvinnuvega- og nýsköpunaráðuneyti um fyrirhugaða leyfisveitingu. Hér er leyfisbréfið á vef Orkustofnunar.