Category: Fréttir

Fulltrúar Orkunnar okkar lögðu í morgun fram kæru hjá Vinnueftirlitinu vegna brota Alþingis gegn lögum um aðbúnað, hollustuhætti og öryggi á vinnustöðum. Í kærunni er bent á að nefnda- og þingfundir hafi staðið yfir nánast samfellt allan sólarhringinn um nokkra hríð. Kæran var líka lögð fram hjá lögreglu.

„Störf Alþingis eru um þessar mundir í andstöðu við Lög um aðbúnað, hollustuhætti og öryggi á vinnustöðum, einkum IX kafla laganna um hvíldartíma, frítdaga og hámarksvinnutíma. Lögboðinn 11. klst. hvíldartími er órafjarri frá því að vera virtur.“

Segir í kærunni, auk þess sem bent er á mikilvægi þess að alþingismenn geti haldið einbeitingu við störf sín og bíði ekki tjón á heilsu sinni. „Þá er einnig að því að hyggja að aðilar sem hagsmuna eiga að gæta [svo] og [allur] almenningur hafi tök á að fylgjast með umræðunni í rauntíma.“

„Málið er sérstaklega alvarlegt í ljósi þess að um sjálfan löggjafann er að ræða og með því háttalagi sem hér er vísað til er gefið í skyn að lögum þrufi bara að fylgja þegar hentar.“

Farið er fram á það í kærunni að Vinnueftirlitið og/eða lögreglan bregðist tafarlaust við og stöðvi yfirstandandi lögbrot.

Breski fjár­fest­ir­inn Edi Tru­ell, sem fer fyr­ir fyr­ir­tæk­inu Atlantic Superconn­ecti­on, vill að bresk stjórn­völd gefi grænt ljós um­fangs­mikl­ar fram­kvæmd­ir sem geri Bret­um kleift að sækja raf­orku til Íslands í gegn­um sæ­streng. Fjallað er um málið á vef The Times í dag.  Þar seg­ir að Tru­ell hafi þrýst á Greg Clark, viðskiptaráðherra Bret­lands, en Tru­ell seg­ir að öll fjár­mögn­un liggi fyr­ir og nú þurfi hann aðeins samþykki stjórn­valda.  Greint hef­ur verið frá því, að Atlantic Superconn­ecti­on Corporati­on sé heiti á fé­lagi breskra fjár­festa sem miði að því að fjár­magna og setja upp 1.000 kíló­metra lang­an sæ­streng til Íslands.

Nánar á vefsíðu Mbl. þ. 27. maí 2019

Orkan okkar og Gulvestungar stóðu fyrir útifundi á Austurvelli í dag. Fundurinn stóð frá klukkan tvö til þrjú. Frummælendur á fundinum voru: Birgitta Jónsdóttir, fyrrverandi þingmaður Pírata, Haraldur Ólafsson, veðurfræðingur, Styrmir Gunnarsson, fyrrverandi ritstjóri Morgunblaðsins og Vigdís Haukdóttir, borgarfulltrúi Miðflokksins.

Bæði frummælendur á fundinum og fundargestir eru alfarið á móti því að 3. orkupakki ESB verði innleiddur í íslensk lög. Lágmarkskrafan er að afgreiðslu hans verði frestað fram til næsta haust. Í lok fundarins var eftirfarandi áskorun til Alþingis lesin upp fyrir fundinn og hún samþykkt:  

Útifundur á Austurvelli beinir því til Alþingis að virða lög um hvíldartíma og skorar á Alþingi að taka orkupakka af dagskrá svo unnt verði að vinna málið betur eða fella það endanlega niður.

Guðjón S. Brjánsson, 1. varaforseti Alþingis, tók á móti tæplega 14.000 undirskrifum þeirra sem hafa skrifað undir áskorun til þingmanna að hafna samþykkt á Ákvörðun sameiginlegu EES-nefndarinnar, nr. 97/2017, um breytingu á IV. viðauka (Orka) við EES-samninginn (þriðji orkupakkinn).

Fyrirvarinn til að safna undirskriftunum saman og ganga frá þeim til afhendingar var ekki langur en málið var tekið úr nefnd fyrir hádegi í gær. Rafrænu undirskriftirnar voru yfirfarnar og prentaðar út kl. 19:00 í gærkvöldi en ekki reyndist unnt að safna öllum eiginhandarundirritunum saman.

Undirskriftarsöfnunin heldur áfram þar til atkvæðagreiðsla um málið hefur farið fram. Krækja á undirskriftarsöfnunina.

Vafi leik­ur á um hvort þriðji orkupakk­inn sam­ræm­ist stjórn­ar­skrá vegna vald­framsals til Eft­ir­lits­stofn­un­ar EFTA (ESA). Þeirri leið sem ut­an­rík­is­ráðherra hef­ur valið varðandi inn­leiðingu pakk­ans er hins veg­ar ætlað að úti­loka stjórn­skip­un­ar­vand­ann að svo stöddu.
Þetta sögðu þeir Friðrik Árni Friðriks­son Hirst lands­rétt­ar­lögmaður og Stefán Már Stef­áns­son, pró­fess­or við laga­deild Há­skóla Íslands, þegar þeir komu fyr­ir fund ut­an­rík­is­mála­nefnd­ar í gær. Þar gerðu þeir grein fyr­ir álits­gerð sinni um þriðja orkupakk­ann sem þeir unnu að beiðni ut­an­rík­is­ráðuneyt­is­ins.

Nánar á vefsíðu Mbl 7. maí 2019