fbpx

Færslur

Birt þann

Frá orkusamstarfi til orkusambands

Sérfræðiskýrlsla Orkunnar okkar var kynnt á opnum blaðamannafundi í Safnahúsinu við Hverfisgötu föstudaginn 16. ágúst síðastliðinn. Heildarniðurstaðan er að upptaka 3. orkupakka ESB  „í íslensk lög sé skaðleg fyrir íslenska þjóð, efnahag hennar og náttúru“. Skýrsluhöfundar leggja „til að fram fari þjóðaratkvæðagreiðsla um málið.“

Höfundarnir minna á mikilvægi þess að málið verði rækilega kynnt almenningi og í því skyni hefur skýrslan verið gerð aðgengileg öllum. Hægt er að smella á þessa krækju til nálgast hana í hefðbundnu pdf-formi.

Það er líka hægt að lesa hana í innfelda glugganum hér að neðan. Stjórnborð með flettiörvum og stækkunarmöguleika birtast með því að setja músina yfir gluggann.

SkyrslaOrkusamband_160819

Ritstjórar skýrslunnar eru: Jónas Elíasson, Stefán Arnórsson og Haraldur Ólafsson en Erlendur Borgþórsson er umsjónarmaður útgáfunnar. 

Aðalhöfundar efnis eru eftirtaldir:

  • Bjarni Jónsson, verkfræðingur
  • Elías B. Elíasson, verkfræðingur
  • Eyjólfur Ármannsson, lögfræðingur
  • Hjörleifur Guttormsson, fyrrverandi ráðherra
  • Jón Baldvin Hannibalsson, fyrrverandi ráðherra
  • Ragnar Árnason, prófessor
  • Stefán Arnórsson, prófessor
  • Sigurbjörn Svavarsson, framkvæmdastjóri
  • Styrmir Gunnarsson, fyrrverandi ritstjóri
Skýrsluhöfundar hafa mikla þekkingu og reynslu af ýmsum hliðum efnahagsmála, orkumála og þjóðarréttar

Um er að ræða yfirgripsmikið verk upp á 82 blaðsíður. Það hefst á ágripi upp á rúmar 9 blaðsíður þar sem helstu atriði hvers kafla eru dregin saman. Kaflarnir eru alls 11 og er 9. kaflinn fyrirferðarmestur en hann fjallar um lagaleg atriði varðandi orkupakkann.

Aðrir kaflar fjalla um:

  • eðli orkulinda
  • orkustefnu ESB
  • orkupakka 4 og afleiðingar hans
  • orkulindir Íslands
  • viðskipti um sæstreng og íslenska raforkukerfið
  • stýringu íslenska orkukerfisins og orkuöryggi
  • efnahagsleg áhrif orkupakka 3
  • raforkufyrirtæki, náttúruauðlindir og orkustefnu ESB

Úgefendur og ábyrgðarmenn verksins er Orkan Okkar. Von er á prentvænni og styttri útgáfu skýrslunnar á allra næstu dögum.

Birt þann

Þróun reglu­verks ESB vegna orku­mála var ekki fyr­ir­séð!

Jón Gunnarsson alþingismaður

Jón Gunnarsson alþingismaður um 3. orkupakka ESB:
“ Ég get ekki séð að það skipti sam­starfsþjóðir okk­ar nokkru máli þó að við stæðum utan reglu­verks­ins um orku­mál. Þrátt fyr­ir að vera hlut­falls­lega stór­ir fram­leiðend­ur er markaður­inn hér ör­markaður í stóra sam­heng­inu, markaður sem skipt­ir ekki aðra en okk­ur máli m.a. ann­ars vegna þess hversu langt við erum frá markaði ESB og við erum ekki að tengj­ast þeim markaði á næstu árum, hvað sem síðar verður. Grund­vall­ar­spurn­ing okk­ar er því eðli­leg og henni velti ég upp á fundi með sam­starfsþjóðum okk­ar í vik­unni; á Ísland á þess­ari stundu eitt­hvert er­indi í sam­starf um orku­mál við ná­grannaþjóðirn­ar? Er þörf á því að efna hér á landi til deilna um viðkvæmt mál þegar af­leiðing­arn­ar eru eins óljós­ar og raun ber vitni og þá ekki síst með til­liti til þess að nú þegar er verið að und­ir­búa 4. orkupakk­ann? „

Lesa áfram „Þróun reglu­verks ESB vegna orku­mála var ekki fyr­ir­séð!“
Birt þann

Og sá sem segir satt, er síðan krossfestur.

Ómar Geirsson bloggari að Austan

Ómar Geirsson:
„Vendipunktur var í umræðunni um Orkupakka 3 í gær þegar Evrópusinnar á þingi beittu fáheyrðum dónaskap til að þagga niður í borgara sem hafði verið boðaður á fund utanríkismálanefndar til að tjá sig um reglugerðina og þær afleiðingar sem innleiðing hans gætu haft fyrir íslenskan almenning. „
„Skilaboðin skýr, ef þú getur ekki tjáð þig í þágu hagsmuna, þá skaltu þegja. Síðan var ríkisútvarpið fengið til að negla viðkomandi á krossinn á Valhúsahæð, viðtal við borgarann þar sem hann útskýrði varnaðarorð sín var klippt inn í viðtal við dósent í Háskóla í Reykjavík.“

Nánar hér

Birt þann

Borgarafundur í Iðnó um orkumál

Lýðræðisflokkurinn, með Benedikt Lafleur í broddi fylkingar, stendur fyrir borgarafundi í Iðnó á morgun, sunnudaginn 18. ágúst. Fundurinn hefst klukkan 14:00.

Dagskrá fundarins er fjölbreytt en þar verða bæði tónlistaratriði og ljóðaflutningur ásamt hefðbundnum framsögum. Meðal þeirra sem stíga á svið eru Balz Roca, Aldís Schram, Una María Óskarsdóttir, Styrmir Gunnarsson og Albert Svan Sigurðsson ásamt Benedikt sjálfum.

Fundurinn er auglýstur á síðu Lýðræðisflokksins (smella hér til að skoða auglýsinguna). Yfirskrift fundarins er: Er Íslend til sölu – er lýðræðið í hættu?

Dagskrá fundarins eins og hún birtist í heilsíðuauglýsingu í Mogganum í dag

Fundargestir fá dreifildi frá Orkunni okkar með 10 góðum ástæðum til að segja NEI við orkupakkanum. Fulltrúar frá Orkunni okkar heimsækja fundinn í fundarhléi og selja límmiða í bíla til styrktar samtökunum í viðspyrnunni gegn orkulöggjöf ESB.

Birt þann

Innleiðing sögð skaðleg – Orkupakkaskýrsla komin út

Forsíða skýrslunnar

Gefin var út skýrsla í gær á vegum sérfræðinefndar Orkunnar okkar um „áhrif inngöngu Íslands í Orkusamband Evrópusambandsins“. Niðurstaða skýrslunnar er helst sú að Alþingi eigi að hafna upptöku þriðja orkupakkans þar sem innleiðing hans sé „skaðleg fyrir íslenska þjóð, efnahag hennar og náttúru“. Í skýrslunni kemur einnig fram að innleiðing þriðja orkupakkans verði til þess að óhjákvæmilega skapist þrýstingur á Íslendinga að leggja sæstreng.

Lesa áfram „Innleiðing sögð skaðleg – Orkupakkaskýrsla komin út“