ORKAN OKKAR

Ögmundur Jónasson skrifar í Bændablaðið 14. mars 2019.

Í fyrstu er fátt að sjá sem er sameiginlegt. En þó þarf ekki að leita lengi til að sjá hvað það er. Það sem er sameiginlegt er afsal á lýðræðislegu valdi. 

Orkupakki þrjú á sér langan aðdraganda, allt aftur á miðjan síðasta áratug liðinnar aldar. Þá var birt í Brussel svokölluð grænbók um orkumál en í henni var kveðið á um að nú skyldi stefnt að því að líta á orku sem hverja aðra markaðsvöru.

Lesa áfram „Hvað er sameiginlegt með orkupakka þrjú og innflutningi á hráu kjöti?“

Elías Elíasson skrifar í Morgunblaðið 14. mars 2019

Plaggið „Spurningar og svör um þriðja orkupakka ESB“ sem Atvinnuvega- og nýsköpunarráðuneytið hefur enn á vef sínum er ótrúleg lesning, sem bendir til að þar á bæ skilji menn ekki þá gagnrýni sem beint er að þriðja orkupakkanum. Til dæmis er í spurningunni „Eykur þriðji orkupakkinn líkur á orkuskorti og hærra orkuverði?“ blandað saman tveim atriðum sem gagnrýnd hafa verið og rökstudd sitt í hvoru lagi. Ráðuneytið kýs að fjalla um þau út frá aðstæðum í Evrópu, þar sem takmarkað framboð orku veldur strax hærra orkuverði og hvetur þannig til fjárfestinga. Við íslenskar aðstæður þarf þetta ekki að gerast, það verður háð duttlungum náttúrunnar þannig að hér getur verið nægt framboð þar til skyndilega, að óvenju sein vorkoma veldur skorti. Þetta virðist ráðuneytið ekki hafa á hreinu.

Lesa áfram „Raforkuöryggi á Íslandi“

Ögmundur Jónasson skrifar í Morgunblaðið 9. mars 2019

Í fjölmiðlum, ekki síst í Morgunblaðinu, hefur farið fram mikil og oft á tíðum mjög upplýsandi umræða um orkustefnu Evrópusambandsins. Í þessari umræðu hafa kunnáttumenn úr orkugeiranum útskýrt hvað felist í svokölluðum „orkupökkum“ ESB, en samkvæmt áætlun ríkisstjórnarinnar hefur staðið til að Íslendingar samþykki „þriðja orkupakkann“ á yfirstandandi þingi. Ekki er þó útséð um það því Guðlaugur Þór Þórðarson utanríkisráðherra vill skoða málið nánar. Það er vel.

Lesa áfram „Orkan okkar“