fbpx

Færslur

Birt þann

Orkustefna rískisstjórnarinnar er frá ESB

Af lestri orkustefnunnar er ljóst að ekki er hægt að láta ESB ákveða orkustefnu Íslands.

Friðrik Daníelsson skrifar í Mbl:

Friðrik Daníelsson

Orkustefna til ársins 2050 heitir ný skýrsla frá ríkisstjórninni. Við lestur kemur í ljós að stefnumálin eru frá ESB, lítið er um íslensk hagsmunamál en því meira af tískumálum ESB, „loftslagsmál“ eru sögð tilefni helstu stefnumála. Verkfræðilega gegnhugsaða stefnu um mikilvægustu málin vantar í skýrsluna. Hún er slagorðasvaml fram og til baka og lítið fast í hendi, greinilega samin af takmarkaðri þekkingu á orkumálum en meira á EES tilskipunum. „Framtíðarsýn“: „Endurnýjanleg orkuframleiðsla gegnir grundvallarhlutverki í baráttunni gegn loftslagsvánni“. Orkuframleiðsla almennt hefur ekki mælanleg áhrif á loftslag, það er engin loftslagsvá eða útlit fyrir hana þó kólnað hafi lítillega síðasta hálfa áratuginn.

Lesa áfram „Orkustefna rískisstjórnarinnar er frá ESB“
Birt þann

5.000 undirskriftir á tveimur sólarhringum

Orkupakkinn var samþykktur á Alþingi síðastliðinn mánudag. Í framhaldinu hleypti Orkan okkar af stað áskorun á forseta Íslands (smelltu á krækjuna til að fara beint í áskorunina) um að staðfesta ekki upptöku 3. orkupakkans inn í EES-samninginn nema að uppfylltu öðru hvoru eftirtalinna atriða:

  1. að sameiginlega EES-nefndin hafi veitt Íslandi undanþágu frá innleiðingu orkupakkans.
  2. að þjóðin hafi í þjóðaratkvæðagreiðslu fallist á að undirgangast skuldibindingar orkupakkans.
5.000 hafa þegar skorað á forsetann

Áskorunin byggir á 21. grein stjórnarskrárinnar þar sem segir að forseti lýðveldisins geri samninga við önnur ríki (sjá nr 33/1944). Auk þess má benda á eftirfarandi í grein Ólafs Ísleifssonar frá 25. júlí sl:

Aðferðum við að taka Evr­ópu­regl­ur í inn­lend­an rétt er lýst í grein í Tíma­riti lög­fræðinga 2016 und­ir fyr­ir­sögn­inni Upp­taka af­leiddr­ar lög­gjaf­ar í EES-samn­ing­inn – Hvað er unnt að gera bet­ur?

Í grein­inni sem er hluti af doktor­s­verk­efni höf­und­ar, Mar­grét­ar Ein­ars­dótt­ur, dós­ents í lög­fræði við Há­skól­ann í Reykja­vík, kem­ur fram að þegar Alþingi hef­ur með þings­álykt­un veitt samþykki sitt fyr­ir ákvörðun sam­eig­in­legu EES-nefnd­ar­inn­ar að til­tekn­ar Evr­ópu­regl­ur hljóti laga­gildi séu staðfest­ingar­skjöl send til for­seta með beiðni um staðfest­ingu. Sam­starfsþjóðum í EFTA er ekki til­kynnt um samþykki Alþing­is fyrr en samþykki for­seta ligg­ur fyr­ir (bls. 19). [feitletrunin er okkar]

Á tveimur sólarhringum hafa 5.000 skrifað undir ofangreinda áskorun okkar. Athygli er vakin á því að þar sem um nýja áskorun er að ræða þarf að skrifa sérstaklega undir hana. Fyrri áskorunin var á þingmenn en ekki forsetann.

Birt þann

Skorum á forseta Íslands! – ÁSKORUN LOKIÐ

Ágæti forseti Íslands, ekki staðfesta upptöku þriðja orkupakkans inn í EES-samninginn nema annað tveggja komi til:
      a) sameiginlega EES-nefndin hafi veitt Íslandi undanþágu frá innleiðingu eða
      b) þjóðin hafi í þjóðaratkvæðagreiðslu fallist á að undirgangast skuldbindingar orkupakkans.

ATH: Forseti Íslands, Guðni Th. Jóhannesson hefur gert kunnugt að hann sé búinn að staðfesta þriðja orkupakkann inn í EES samninginn og þau frumvörp sem af honum leiða. Sjá yfirlýsingu forseta Íslands 6. sept 2019.

Orkan okkar átti fund með forseta Íslands 28. ágúst 2019 og afhenti honum þá bréf með áskorun og rökstuðningi fyrir því að hann léti málið til sín taka.

Mánudaginn 2. september greiddu þingmenn atkvæði og veittu ríkisstjórn umboð sitt til að staðfesta þriðja orkupakkann.

Forseti Íslands staðfesti orkupakkann í dag 6. september.

Á þeim fjórum dögum sem áskorunin stóð höfðu 6.296 einstaklingar tekið þátt. Við þökkum þeim fyrir stuðninginn og öllum sem komu að verkefninu.

Orkan okkar harmar að ríkisstjórn, Alþingi og forseti Íslands hafi brugðist í málinu. Baráttan fyrir forræði Íslands í orkumálum heldur því áfram.

Birt þann

Heimssýn skorar á forsætisráðherra

Áskorun til Katrínar Jakobsdóttur, forsætisráðherra, ríkisstjórnar Íslands og Alþingis

Heimssýn er hreyfing sjálfstæðissinna í Evrópumálum

Skynsamleg nýting náttúruauðlinda er forsenda farsæls samfélags á Íslandi og því er mikilvægt að þar ráði hagsmunir íslensks samfélags för og hafi ávallt forgang fram yfir hagsmuni erlendra ríkja.  Reynslan sýnir að það getur reynst smáþjóðum afdrifaríkt að tapa valdi til erlendra stórríkja og að það getur tekið aldir að ná því aftur.   

Fyrir liggja frumvörp og drög að þingsályktun sem færa valdheimildir í orkumálum á Íslandi til erlends ríkjasambands.  Í ljósi þess að hér er um veigamikið mál að ræða, sem ekki er auðveldlega afturkræft, skorum við á forsætisráðherra, Katrínu Jakobsdóttur, ríkisstjórn Íslands og þingmenn Alþingis að leita álits þjóðarinnar í þjóðaratkvæðagreiðslu.