ORKAN OKKAR

Mbl.is fjallaði þann 13. maí 2018 um niðurstöður  könnunar sem Capacent vann fyrir Heimssýn. Spurt var: Ertu fylgjandi eða andvíg(ur) því að aukið vald yfir orkumálum á Íslandi verði fært ti l evrópskra stofnana? Sam­tals eru 80,5% þjóðarinnar and­víg því að færa vald yfir ís­lensk­um orku­mál­um til evr­ópskra stofn­ana. Þar af eru 57,4% mjög and­víg og 23% frek­ar and­víg. Hins veg­ar eru 8,3% hlynnt því. Sjá nánar á vef mbl.is Einnig er fjallað ítarlega um könnunina á vef Heimsýnar. 

Spegill RÚV fjallaði þann 17. apríl 2018 um áform samtakanna Nei til EU um að höfða mál vegna innleiðingar þriðja orkupakkans í EES samninginn. Samtökin telja valdframsalið ekki samrýmast stjórnarskránni.

Rúv.is segir frá því 4. apríl 2018 að Kolbeinn Óttarsson Proppé þingmaður Vinstri grænna vilji að skoðað verði hvort rétt sé að Ísland verði áfram hluti af regluverk Evrópusambandsins um orkumál. Hann óttist að samevrópska orkumálakerfið geti komið í veg fyrir að hægt verði að nýta orkuauðlindirnar hér til að gera ísland kolefnishlutlaust fyrir árið 2040. Sjá nánar í frétt Ruv.is

Fréttastofa RÚV segir frá því 23 mars 2018 að norskir andstæðingar þriðja orkupakkans horfi til afstöðu íslands. Norska Stórþingið hafi samþykkt tilskipunina í gær. Í fréttinni er m.a. fjallað um ályktanir landsfundar Sjálfstæðisflokks og flokksþings Framsóknar gegn frekara framsali valds í orkumálum til ESB og rakin eru ummæli Bjarna Benediktssonar í fyrirspurnartíma á Alþingi í gær: „Hvað í ósköpum liggur mönnum á að komast undir sameiginlega raforkustofnun Evrópu á okkar einangraða land með okkar eigin raforkukerfi? Hvers vegna í ósköpunum hafa menn áhuga á því að komast undir boðvald þessarar stofnunar?“ Sjá frétt á ruv.is